你認識佢可能係《新不了情》，覺得佢最好戲可能係《暗戰》、《忘不了》、《我要成名》、《神探》、《再生號》、《竊聽風雲》系列。
而我自己呢，最鐘意嘅係《一個字頭的誕生》。
原本佢真係拍咗好多好多套電影。
今年佢得獎嘅係《竊聽風雲3》。
劉青雲，最佳男主角。
實至名歸！！
金像獎中的一些事：
1. 無論你係香港出世，日日講中文都好，講多謝嘅時候都係夾一句英文高檔啲嘅~
2. 最有香港味嘅係My Little Airport~~
3. My Little Airport 首《美麗新香港》俾人Cut咗半首，其實有句歌詞係咁的：
「這香港已不是我的地頭，就當我在外地飄流」
4. 阿雪由侯選人變頒獎嘉賓...真係玩佢咩...
5. 入圍片段其實真係好重要...因為上台得一個人，唔播就無人知其他四個架啦...下年記得啦！
6. 《專業精神獎》嘅龍哥明顯係發明家。。。
7. 陳政協精華片段：「ErErErErErErErErErErEr」。我已經分唔到佢係假膠定真心。
8. 華語電影不應只有兩岸。
9. 我要真...係秋生做司儀！！下年～
10. 劉青雲係幾靚仔呀我覺得！佢老婆仲係咁靚！
11. 見到趙薇仲係諗起阿梅！地球是很危險的！
12. 希望來年嘅香港電影，可以聽多啲廣東話。
Search